Amateka y’ibanze: Ubuzima bwaba bwaratangiriye mu mazi y’amashyuza?
Abashakashatsi ku ntangiriro z’ubuzima ku isi bagaragaza ko amazi y’amashyuza (thermal waters) ashobora kuba yaragize uruhare runini mu gutangiza ubuzima. Aya mazi yari arimo imyuka itandukanye, harimo NH3 (amoniya), CO2 (gaz carbonique), CH4 (methane), n’indi myuka ifite akamaro mu guhindura imiterere y’ibinyabutabire.
Impinduka zabaye mu mazi
Iyo myuka yagiye yivanga mu mazi, bigatuma habaho impinduka nyinshi z’ubutabire. Gaz carbonique (CO2) yagiye igabanuka buhoro buhoro, biha umwanya amasukari (glucides) kwiyongera. Izo glucides zagiye zivanga na oxygène (O2), zigatanga ibinyabutabire by’ingenzi nka alcool, aldéhydes, cétones, ndetse na acides organiques.
Ivuka ry’ibinyabutabire by’ibanze by’ubuzima
Ibyo binyabutabire byakomeje kwivanga, bigatanga ibindi by’ingenzi nka acides aminés, ibinyabutabire by’ibanze mu kubaka proteyine. Izi proteyine, zifatanyije n’imyunyu iri mu mazi (sels), zavuyemo igitonyanga cyihariye cyiswe Coocervate.
Ubushobozi bwa Coocervate
Icyo gitonyanga cyari gifite ubushobozi bwo gukurura no kumira uduce duto turi mu mazi, bikaba intambwe ya mbere mu rugendo rw’inzira y’ubuzima. Iki gikorwa cyakozwe na Coocervate cyafashije guhuza ibinyabutabire bitandukanye, bikaba intambwe ikomeye ku ishingwa ry’ubuzima bwa mbere ku isi.
Aya makuru agaragaza uko ibintu bitari bifite ubuzima (imyuka n’ibinyabutabire) byagiye byivanga, bigatanga ibisubizo byihariye byabaye intangiriro y’ubuzima. Ibi byerekana uburyo ubushakashatsi bw’ubutabire bushobora gusobanura amateka y’ubuzima ku isi, cyane cyane ku bihe bya mbere bitazwi neza.
Umwanditsi: Alex RUKUNDO
