Umuganura wa 2026 uzizihirizwa mu Karere ka Rusizi
Ku wa Gatanu tariki ya 7 Kanama 2026, Abanyarwanda bazizihiza Umunsi Mukuru w’Umuganura ku rwego rw’Igihung, iki gikorwa kizabera mu Karere ka Rusizi, mu Ntar a y’Iburengerazuba. Insanganyamatsiko y’uyu mwaka izaba igira iti: “Umuganura, Isoko y’ubumwe n’inshingoro ryo kwigira.”
Uyu munsi ngarukamwaka uzaba umwanya wo gukomeza gushimangira ubumwe bw’Abanyarwanda, gukunda umurimo, kwishimira ibyagezweho no guteragura ibikorwa bizakomeza guteza imbere igihungu, hagamijwe no gukomeza kwimakaza umuco wo gusangira no kudaciaka intege.
Nk’uko byatangajwe n’Inteko y’Umuco, guhitamo aka Karere ka Rusizi ngo kakire ibi birori by’uyu mwaka bifitanye isano n’urugendo rwo gukomeza kubaka ubumwe bw’Abanyarwanda, bumaze imyaka ari imwe mu ndangagaciro z’Umuganura.
Iki kigo kinasobanura ko iki cyemezo cyanashingiye ku bushakashatsi bwakozwe na MINUBUMWE mu mwaka 2025, mu rwego rw’Ubumwe n’Ubwiyunge bw’Abanyarwanda. Ubu bushakashatsi bwerekanye ko Akarere ka Rusizi kakiri inyuma ugereranyije n’utundi turere muri bimwe mu bipimo by’ubumwe n’ubudaheranwa.
Muri ubu bushakashatsi Rusizi yaje ku mwanya wa 30, ifite amanita 92,10% mu gipimo cy’ishusho y’Ubumwe n’Ubwiyunge, naho mu gipomo cy’ubudaheranwa iza ku mwanya wa 21 n’amanota 89,60%.
Biteganyijwe ko ibikorwa bizaranga Umuganura wa 2026 bizibanda ku ku kwibutsa Abanyarwanda uruhare rw’uyu munsi mukuru mu gushimangira ubumwe no kubaka igihugu. Muri iki gikorwa abaturage bazanarwemo ubukagurambaga “gukomeza gufashanya,” gukorera hamwe, gukunda umurimo no kwigira, nk’indagagaciro.
Umuganura ubasazwe ufite amateka mu Rwanda
Amateka y’umuganura agaragza ko watangiye kwizihizwa ku ngoma ya Gihanga Ngomajana mu kinyejana cya cyenda. Mu mwaka avagamo umunsi umwe w’ubahirizwagamo umuganura mu Rwanda hose, kuva ku Bwami ukagera mu miryango y’Abanyarwanda muri rusage.
Ku rwego rw’Igihugu, Umuganura wayoborwaga n’Umwami, mu gihe ku rwego rw’umuryango wayoborwaga n’umukuru wawo. Wari umwe mu mihango y’ubwiru wari ugamije gusabira igihugu uburumbuke n’umusaruro wagutse.
Ubundi izina “Umuganura” rikomoka ku nshinga igira iti: “Kuganura”, bisobanura kwishimira no gusangira umusaruro weze, ibi byagaragazaga umuco wo gusangira, gushimira no gukomeza ubufatanye hagati y’Abanyarwanda.
Uyu muhango waje guhagarikwa mu mwaka wa 1925 mu gihe cy’ubukoloni. Nyuma y’uko u Rwanda rubonye ubwigenge mu mwaka 1962, uyu muhango wakomeje kwizihizwa mu miryango imwe n’imwe, ariko ubonako utagifite agaciro wari usanganwe mbere.
Mu mwaka wa 2011, Leta y’u Rwanda yawugaruyeho uwugira nk’umunsi mukuru w’igihugu, igamije gushimangira ubumwe bw’abanyarwanda, kwimakaza umuco wo kwigira no gushakira hamwe ibisubizo by’ibibazo byari byugarije igihugu. Kuri ubu wizihizwa buri mwaka mu kwezi kwa Kanama tariki ya 7, sibyo gusa kuko hari n’igikorwa cyo gushaka uburyo wa kwandikwa ku rutonde rw’Umurange w’Isi wa UNESCO.
Ibiro by’Umuganura wa 2026 biteganyijwe kuba umwanya wo kongera kwibutsa Abanyarwanda ko umuco ari umwe mu nkingi zubakirwaho ubumwe, ubudaheranwa n’iterambere ry’igihugu.
