Uganda:Yoweri Kaguta Museveni yatashye uruganda rwa Roofings Group
Perezida wa Uganda, Yoweri Kaguta Museveni, yatashye ku mugaragaro uruganda rushya rwa Roofings Group rutunganya ibyuma mu buryo bugezweho, rwashowemo miliyoni 125 z’amadolari ya Amerika, uru ruganda rukaba rufite ububusha bwogukora toni 300,000 z’ibyuma ku mwaka.
Uruganda rwa Phase IV Level 2 Ultra–Modern Cold Rolling Mill Complex rwubatswe muri Kampala Industrial and Business Park i Namanve, rukaba rwogereye umusaruro wa toni 150,000 w’ibyuma byakorwaga.
Ibi bikaba byogereye ubushobozi bwa Roofings bwo gukora ibityo umusaruro ukaba witezweho kwikaba kabiri, umusaruro ukava kuri toni 150,000 ku mwaka ukagera kuriu toni, 300,000 ku mwaka, uyu musaruro wiyogereye mu gihe izindi nganda zari zishamikiye kuri Roofings zakoraga ibyuma n’ibindi bicuruzwa bwatanga umusaruro ungana na toni 625,000 ku mwaka.
Muri uyu muhango wo gutaha uru ruganda wabaye kuri uyu wa 26 Kanam 2026, Perezida Museveni, yashimye Roofings Group ku ruhare rwayo mu guteza imbere inganda no kongera agaciro k’ibikorerwa muri Uganda.
Museveni yavuze ko Roofings yabanje kujya itumiza hanze ibikoresho by’ibanze bikorwamo ibyuma, none ikaba igeze ku rwego rwo kubitunganyiriza muri Uganda, bityo ko ntamafaranga igihugu kigisohora ajya gutumizwa ibyuma hanze.
Kugeza ubu, Roofings ivuga ko igeze ku kigero cya 54% mu kongera agaciro kuri buri Coil y’ibyuma itunganya, aho agaciro kongerwa muri Uganda kagereranywa na miliyari zisaga 400 z’amashilingi ya Uganda.
Perezida Museveni kandi yavuze ko umutungo kamere wa Uganda, by’umwihariko ubutare bw’ibyuma, wakoreshwa mu kubaka uruganda rukomeye rw’ibyuma.
Ati: “Uganda ifite ubutare bw’ibyuma bwinshi, harimo n’ubufite ubuziranenge buhugije, kandi tugomba gukoresha ubwo butunzi mu kubaka uruganda rw’ibyuma rushobora guhangana ku isoko.”
Museveni yavuze kandi ko kugira isoko rinini kandi ryizewe ari ingenzi mu guteza imbere inganda no guhanga imirimo.
Uru ruganda rushya rwa Roofings rufite ibyiciro bine by’ingenzi birimo uruganda rukata impande z’ibyuma, uruganda rutwikira ibyuma hakoreshejwe zinc, n’uruganda rukonjesha inyuma (cold-rolled steel), ndetse n’ikindi kiciro gisiga ibyuma amarangi.
Ubundi ikoranabuhanga rikoreshwa muri uru ruganda rwatanzwe n’ibigo mpuzamahanga birimo Danieli, Siemens na ABB.
Roofings ivuga ko iri koranabuhanga rizongera umusaruro, ubuziranenge n’ubushobozi bwo gukora ibicuruzwa byujuje ibisabwa byose ku ruhando mpuzamahanga, ndetse ibi bikazafasha iyiiyi sosiyete kwagura amasoko yayo muri Uganda no mu bindi bihuga.
Ibi kandi bizatuma Roofings irushaho kogera ibyuma bihagije ku buryo ishobora no kogera umusaruru yatangaga, aho ushobora kuva kuri miliyoni 4.2 buri kwezi, ni ukuvuga arenga miliyoni 50 ku mwaka.
Uru ruganda rukaba rwitezweho imirimo mishya igera kuri 400 ku buryo butaziguye, mu gihe abakozi benshi bazahabwa imirimo n’uruganda, irimo gutwara ibicuruzwa, kubikwirakwiza, ubucuruzi bw’ibikoresho by’ubwubatsi n’indi mirimo.
Uruganda kandi urakaba rwitezweho kuzatanga amahirwe yo kongera ubumenyi bw’abatekinisiye b’Abany-Uganda cyane cyane abazakoresha ikoranabuhanga rigezweho mu gukora ibyuma.
Umuyobozi wa Roofings Group, Dr. Sikander Lalani, yavuze ko iterambere ry’inganda ridakwiye kugarukira ku kubaka inganda gusa, ahubwo ko hakenewe no guteza imbere abantu bafite ubushobozi bwo gukoresha no guteza imbere iryo koranabuhanga.
Roofings Group yatangaje ko imaze gushora miliyoni 500 z’amadolari muri Uganda, mu gihe umusaruro wayo wose ushobora kuba ugeze kuri toni 625,000 ku mwaka.
Ni mu gihe Roofings kandi yatangaje ko ishaka kurushaho kwinjira mu bikorwa byo gutunganya ibyuma uhereye ku ntagiriro zabyo, aho guteganya gukoresha ubutare bw’ibyuma buboneka muri Uganda.
Dr. Lalaniyavuze ko iyi sosiyete yamaze gushyiraho ikigo cyihariye kizatangira ibikorwa byo gushakisha ubutare, mu rwego rwo gutegura uburyo bwo kongera ibikorwa byo gutunganya ibyuma imbere mu gihugu.
Iyi ikaba ari intengo y’igihe kirekire yo guhuza ubutare bwa Uganda, ingufu zisubira n’amasoko yo mu karere, kugira ngo haboneke urwego rukomeye rwo gukora ibyuma muri Afurika y’Iburasirazuba.
Roofings kandi yasabye ko hakomeza gushyirwa amafaranga mu bikorwa remezo birimo gari ya moshi, inzira z’ubucuruzi n’ingufu zihendutse kandi zizewe kugira ngo ibicuruzwa bikorerwa muri Afurika bibashe kugera ku isoko mpuzamahanga.
Mu 2024 na 2025, Roofings Group yohereje mu mahanga ibicuruzwa bifite agaciro ka miliyari 264 z’amashilingi ya Uganda na miliyari 229.6 z’amashilingi, mu gihe umusanzu wayo muri NSSF muri iyo myaka wageze hafi miliyari 9.3 na miliyari 10 z’amashilingi.
Usibye ibikorwa by’inganda, Roofings Group yanatangaje ko iri no kubaka bundi bushya Kasubi Family Primary School, umushinga bivugwa ko uzatwara miliyari 3.7 z’amashilingi ya Uganda, ku bufatanye na Kampala Capital City Authority.
Roofings Group yashinzwe muri Uganda mu 1994, ikorera i Lubowa na Namanve. Iyi sosiyete ikora ibyuma n’ibikoresho bya pulasitiki bikoreshwa mu bwubatsi, ikaba inangemurira ibihugu birimo u Rwanda, Burundi, RDC, Tanzania na Sudani y’Epfo.
