America: Itsinzi ya Donald Trump yateje impagarara mu ishyaka ry’abademokarate
Nyuma y’iminsi ine y’amatora, ibiro ntaramakuru by’Abanyamerika, Associated Press (AP), byatangaje ko Donald Trump yatsinze muri leta ya Nevada, imuhesha amajwi 6. muri Leta ya Arizona abona amajwi 11 yonyine niyo isigaye ngo Trump agere ku itsinzi.
Abanyamerika batoye ku itariki ya 5 Ugushyingo 2024, Trump aherutse gutsinda mu nteko y’abahagarariye leta ndetse anatsindira amajwi y’abaturage ku nshuro ye ya kabiri. Mu gihe amatora yagaragazaga itandukaniro ku majwi bizaba gake, intsinzi ya Trump yateje impagarara mu ishyaka ry’abademokarate.
Amakuru dukesha Al Jazeera avuga ko ku wa Gatanu, umudepite uharanira demokarasi mu mutwe w’abadepite, Hakeem Jeffries, yatangaje ko hakiri amahirwe yo gutsindira kwinjira mu nteko ishinga amategeko, nubwo hakiri uturere tutaratangaza amajwi.
Kugeza ubu, abarepubulikani babura imyanya itandatu ngo binjire mu Nteko Ishinga Amategeko, mu gihe abademokarate babura imyanya 18, nk’uko byatangajwe na Associated Press. Ubu imyanya 23 niyo isigaye itaratangazwa.
Muri Sena harimo imyanya ijana; ubu abarepubulikani bamaze gutsindira imyanya 53, n’umwanya umwe usigaye utaratangwa.
Intsinzi idasubirwaho ya Donald Trump muri aya matora y’umukuru w’igihugu yongeye gushimangira uko politiki ya Amerika igiye kuyivugurura igakomera kurushaho.
Umwanditsi: Alex RUKUNDO
